Bravo statt es SMS schicke fürne Briefmarke chani itze e dummi Äpp inschtalliere. Brucht nume e Swissid, ä Kreditcharte, wahrschinlech Location Access und angere Mischt. Wieso… Jä nu, schläcki haut wider Briefmarke ab.
PS: dir sid huere Häi-Tech Bünzlis, scho uf Feddit! Reschpäckt.
PS2: Probieret nid mini Briefmarke dstähle pliiis.
Bald muesch du en Hardware Wallet ha und es Briefmarken NFT chaufe. Warum eifach, wenn’s au kompliziert goht.
Wenn mer sich mal iigrichtet het, schiint’s garned so schwierig z’sii. Muesch doch nur i d’Post App, denn mit SwissID ilogge, vielecht ja no de 2FA igeh, DigitalStamp bstelle und de Code drufschriibe. So simpel wie es SMS. 🙄
Swiss ID, isch jetzt das Swiss Pass oder bruchi e Swiss ID zum en Swiss Pass mache und nacher für nüt meh bruch? Checki irgendwie immer nunig so ganz… Aber wart du nur, bis zu dinere Swiss ID no en seperate Swiss ID Authentikator bruchsch…
Das wo miich ufregt isch, wenn di uf de Websiite willsch iilogge musch nomol extra ufen chnopf drugge, obwohl die alt aameldig gar nümm unterstützt wird…
Geenau das hani au scho dänkt, so en quark!
Über en SwissID chan mer sich zb. a gwüssne Onlineportal und Service wie zb. SwissPass (Billet für Zug oder Skipass bstelle) ilogge. De Betriiber chan denn au zb. dis Alter verifiziere, falls es das bruucht. Funktioniert eigentlich ähnlich wie Google, Microsoft oder Facebook Login. Chasch de Zuegriff tatsächlich au mit 2FA sichere.
Ok, ich glaub bi SwissPass isch glaub s erste Mal gsi woni e SwissID brucht han, bis d Post agfange het ufzwinge, sis Login uf SwissID umzstelle. Würkli anderi Siitene kenni bis jetzt no nöd.
Ich weiss no wos d SwissID vorgstellt hend à la “nacher hender für all Portal nuno das Login”…
D idee isch eigentli super. Aber de post traui 0 usser es gaht um literal post.
Viellicht bin ich es biz oldschool, aber ich gah mini Briefmarke immer no bi de Poscht go hole und zahle meischtens Bar ;)
Wart nur, irgendwenn muesch sicher no zuesätzlichi Gebühre zahle, wenn persönlich uf Post gasch.
verschreis nöd, suscht chömets no uf dummi Gedanke.
“@Postagstelti vode liebe Post”: *ihr hend nüt glese * - Ade Messi
Dene ihre ernst 🙄
«Das Kundenbedürfnis hat sich verändert. Kundinnen und Kunden der Post haben sich in den letzten Jahren vermehrt Briefmarken auch für grossformatige Briefe und für B-Post gewünscht, oder dass sie mit Kreditkarte oder Twint bezahlen können», sagt Stefan Dauner, Mediensprecher der Schweizerischen Post. Mit der SMS-Technologie wäre dies nicht möglich gewesen.
Sone gugus
Die wend doch s gliche wie Reddit und all uf ihres App drucke, demits ihne chönd zuesätzlichi Services verchaufe. Will nur chli Briefmarke verchaufe, für das isch SMS z tüür /s
Wieviel kostet de API-Zuegang fürs Post-App denn?
Vermutlich sind die erste 1000 Aafrage gratis und nacher wahrschindli 5 Rp./Aafrag /s.
Aso sprich, z login via SwissID isch gratis, när si di 1000 abfrage ufbrucht
Das fingi huere schad… Naja i bruuche d Post eh praktisch nur als Empfänger hützutags, de bruuchi ou dene ihri App nid. Zmingst bis si die mobili Webseite abschaffe
